Rate this item
(0 votes)

अखिल भारतीय मराठी चित्रपट महामंडळ अध्यक्ष मेघराज भोसले यांनी घेतली मराठवाडा कलावंतांची आढावा बैठक
( प्रतिनिधी )
2021वर्षाच्या आरंभालाच म्हणजे 1 जानेवारी 2021 रोजी अखिल भारतीय मराठी चित्रपट महामंडळ अध्यक्ष मा. मेघराज राजे भोसले यांनी मराठवाडा दौऱ्याचे आयोजन केले होते.
सर्वप्रथम त्यांनी दौलताबाद येथे शूट होत असलेल्या चाभरे या वेब सिरीज च्या शूटिंग स्थळी भेट दिली ,
सिरीज चे निर्माते ,लेखक ,दिग्दर्शक रवी खरे, प्रसिद्ध विनोदी अभिनेते संदीप पाठक, डॉ. सुधीर निकम, प्रणव रावराणे आदींनी त्याने स्वागत केले. या वेळी कलावंतांच्या प्रश्नावर विस्तृत चर्चा करून कोरोना च्या संकर्मनाबद्दल सेटवर घ्यावयाची काळजी यावर ही त्यांनी मार्गदर्शन केले.
या नंतर सायंकाळी 7 वाजता अखिल भारतीय मराठी चित्रपट महामंडळ विभागीय कार्यालय औरंगाबाद येथे उपस्थित कलाकार आणि सभासद यांनी फेट्याचा मन देऊन अध्यक्षांचे स्वागत केले. नंतर मराठवाड्यातील सदस्यांची विभागीय बैठक अध्यक्ष मेघराज भोसले यांच्या अध्यक्षतेखाली पार पडली.
या वेळी विभागातून आलेल्या कलावंतांनी जिल्ह्यानिहाय त्यांच्या मागण्यांचे निवेदन सादर केली. यावर विस्तृत चर्चा होऊन मराठवाड्यात महामंडळाचे कार्य तळागाळातील कलावंतांच्या पर्यंत जाण्यासाठी जिल्ह्यानिहाय समिती स्थापन करण्याचे ठरले.
ज्या कलावंतांना या समितीत पदभार स्वीकारून कार्य करण्याची इच्छा आहे अशा सभासदांची संघटन कौशल्य, आणि ज्ञान या निकषावर निवड केली जाईल असे अध्यक्षांनी सांगितले.
या कार्यक्रमाचे प्रास्ताविक अखिल भारतीय मराठी चित्रपट महामंडळाचे समन्वय समिती प्रमुख डॉ. सुधीर निकम यांनी केले. या नंतर चाकूरकर मॅडम, शिवदर्शन कदम, संतोष वारे, सुनील सुलताने, कृष्णा सरणागत, जॉन भालेराव, निर्माते चंद्रकांत कायंदे सह अनेक मान्यवर सदस्यांनी आपले विचार आणि मते व्यक्त केली.या वेळी महामंडळाचे उमेश पाटील तसेच असंख्य सदस्य हजर होते.
या नंतर महाराष्ट्र राज्य मराठी पत्रकार संघाचे प्रदेशाध्यक्ष मा.वसंत मुंडे यांना वाढदिवसाच्या निमित्य महामंडळाच्या वतीने शुभेच्छा देण्यात आल्या, आणि भविष्यात चित्रपट महामंडळ आणि पत्रकार संघ यांच्या संयुक्त विद्यमाने राज्यात अनेक कार्यक्रम आयोजित करण्याचे ठरले.
अध्यक्ष मेघराज राजे भोसले यांच्या या दौऱ्याने मराठवाड्यातील कलावंतांच्यात चैतन्य आले असून येत्या काही दिवसात मराठवाड्यात विविध कार्यक्रमांचे आयोजन करण्यात येणार आहेत.

Many years after establishment of Maharashtra state Marathi film industry had grown like a tree, but in the absence of dedicated organization. Slowly and gradually Marathi film producers started coming together to produce films for soldiers’ entertainment during tough time of Chinese invasion and Pakistani war.
 

Newsletter

In Theatres